གཙོ་ངོས།>> རྩོམ་རིག>>སྙན་རྩོམ།

རྩོམ་སྒྲིག་པ།ཡོང་ཁུངས།གངས་རྒྱན་མེ་ཏོག སྤེལ་དུས། ༢༠༡༨ལོའི་ཟླ་བ་༠༣ཚེས་༠༥ཉིན།

༄༅།། མིག་མདངས་ནི་སྐད་ཆ་ཡིན།

ཁ་བ་ལྷ་མོ། (མཚོ་ནུབ)

 

སྨྲ་བ་ལ་རྨ་ཁ་སོས་བྱེད་ཀྱི་ནུས་པ་མེད་ན
ད་ནི་ཁ་རོག་གེར་འདུག་ཨང
ཉི་ཟླ་སྐར་གསུམ་འཁོར་སའི་ནམ་མཁའ་ཁ་རོག་གེར་འདུག 
རི་རབ་ཁང་ཁྱིམ་འདེགས་པའི་ས་གཞིའང་ཁ་རོག་གེར་འདུག 

 

གནམ་ས་གཡོས་ཤིང་འགྲོ་བའི་རླུང་བུའང་མཐའ་མཇུག་བར་སྣང་ཁམས་ལ་འཐིམ་
འགྲོ་དུས་སྨྲ་བ་མེད
བྲག་དང་རི་བོ་བསྒུལ་བར་བྱེད་པའི་རྒྱ་མཚོའང་མཐའ་མཇུག་རང་བྱུང་ཁམས་ནས་
གཉིད་འགྲོ་དུས་སྨྲ་བ་མེད

 

མེ་ཏོག་ཅིག་སྐྱེས་ནས་འཆི་རག་བར་དུ་སྨྲ་བ་མེད་ཀྱང
མཛེས་སྡུག་གི་འདབ་མ་རེ་རེ་སྐད་ཆ་མིན་ནམ
སྐར་ཕྲན་ཞིག་ཤར་ནས་ནུབ་རག་བར་དུ་སྨྲ་བ་མེད་ཀྱང
འོད་ཀྱི་ཟེར་མ་རེ་རེ་སྐད་ཆ་མིན་ནམ

 

སྨྲ་བ་མེད་ཀྱང་ཅི་སྐྱོན
སྨྲ་བ་མང་ནས་ཅི་བྱེད
ཁྱོད་ཀྱི་མིག་མདངས་སྐད་ཆ་ཡིན

 

                                                                2017.11.12

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1