གཙོ་ངོས།>> ཁྲིམས་ལུགས།>>གྱོད་དཔེ་འདེམས་བཀོད།

རམས་ཚེ་བྷོ། རྩོམ་སྒྲིག་པ།ཡོང་ཁུངས།ཀྲུང་གོ་བོད་ཀྱི་དྲ་བ། སྤེལ་དུས། ༢༠༡༨ལོའི་ཟླ་བ་༠༥ཚེས་༠༢ཉིན།

༄༅།། བུད་མེད་ལ་སྐྱེས་པ་དང་འདྲ་མཉམ་གྱི་སློབ་གསོ་མྱང་བའི་ཁེ་དབང་ཡོད་དམ།


གྱོད་དཔེ།
     ལོ་ཉེར་གསུམ་ལ་སོན་པའི་ལྷ་མོ་ནི་བྲག་དཀར་རྫོང་གི་སྡེ་བ་ག་གེ་མོའི་གཉེན་སྒྲིག་ཟིན་པའི་བུད་མེད་ཅིག་ཡིན། ཁོ་མོར་སྔོན་ཆད་སློབ་སྦྱོང་བྱེད་པའི་འདུན་པ་ཤིན་ཏུ་ཆེ་མོད། ཁྱིམ་ཚང་དབུལ་བོ་ཡིན་པས་སློབ་གྲྭ་འགྲོ་མ་ཐུབ་པར་ཁྱིམ་ལས་གཉེར། རྗེས་སུ་གཉེན་སྒྲིག་བྱས་ཏེ་བྱིས་པ་བཙས་པ་མ་ཟད། ད་ལྟ་ཁོ་མོའི་བྱིས་པས་སློབ་ཆུང་འདོན་བཞིན་ཡོད། ཁོ་མོས་ཁྱིམ་ལས་ཀྱི་ཞོར་དུ་སློབ་སྦྱོང་ལ་ཧུར་བརྩོན་བྱས་ཏེ་སྤྱི་ཚོགས་སྟེང་གི་དར་མའི་མཐོ་རྒྱུགས་སྤྲད་པས་ཞིང་ཆེན་གྱི་དར་མའི་སློབ་ཆེན་ཞིག་ལ་རྒྱུགས་འཕྲོད་སོང་། ཁོ་མོ་དགའ་སྤྲོའི་ངང་སློབ་གྲྭ་འགྲོ་བར་གྲ་སྒྲིག་བྱེད་སྐབས། ཁོ་མོའི་ཁྱོ་གས་སློབ་བསྡུ་བརྡ་ཐོ་སོགས་འབྲེལ་ཡོད་དཔང་ཡིག་རྣམས་སྦས་སྐུང་བྱས་ཏེ་ཁོ་མོ་སློབ་གྲྭ་འགྲོ་རུ་མ་བཅུག རྒྱུ་མཚན་ནི། ཁོ་མོ་གཉེན་སྒྲིག་ཟིན་པས་ཁྱིམ་ལས་གཉེར་ནས་བྱིས་པ་སྐྱོང་བ་ལས་སློབ་གྲྭར་འགྲོ་མི་ཆོག་ཟེར། བཅའ་ཁྲིམས་ཁྲོད་ནས་བུད་མེད་ལ་སྐྱེས་པ་དང་འདྲ་མཉམ་གྱི་སློབ་གསོ་མྱང་བའི་ཁེ་དབང་ཡོད་དམ།
ཁྲིམས་བཤད།
    《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བུད་མེད་ཁེ་དབང་སྲུང་སྐྱོང་བཅའ་ཁྲིམས》ཀྱི་དོན་ཚན་བཅུ་བཞི་བ་ལས་བུད་མེད་ལ་སྐྱེས་པ་དང་འདྲ་མཉམ་གྱི་སློབ་གསོ་མྱང་བའི་ཁེ་དབང་ཡོད་ཅེས་གཏན་ཁེལ་བྱས་ཡོད་ལ། རང་རྒྱལ་གྱི་སྤྱི་དམངས་ལ་སྐྱེས་པ་ཕོ་མོའི་དབྱེ་བ་མེད་པར་འདྲ་མཉམ་སྒོས་སློབ་གསོ་མྱང་བའི་དབང་ཆ་ཡོད། བུད་མེད་ཀྱི་སློབ་གསོ་མྱང་བའི་དབང་ཆ་འཕྲོག་མི་ཆོག་པ་དང་ལྷན་དུ་བུད་མེད་ལ་རིག་གནས་བྱ་འགུལ་ཐད་ལའང་སྐྱེས་པ་དང་འདྲ་མཉམ་གྱིས་ཞུགས་པའི་དབང་ཆ་ཡོད་ལ། ཚན་རིག་ཞིབ་འཇུག་དང་རིག་རྩལ་གསར་རྩོམ། དེ་མིན་གཞན་པའི་རིག་གནས་བྱ་འགུལ་སྤེལ་སྐབས། བུད་མེད་དང་སྐྱེས་པར་ཆ་རྐྱེན་འདྲ་མཉམ་གྱི་གོ་སྐབས་ཐོབ་དགོས་པ་ལས་བུད་མེད་ལ་མཐོང་ཆུང་བྱ་མི་རུང་བར། ཆ་རྐྱེན་དང་ཚད་གཞི་འོས་འཚམས་ཀྱིས་ཇེ་མཐོར་གཏོང་མི་རུང་། རང་རྒྱལ་གྱི《གཉེན་སྒྲིག་བཅའ་ཁྲིམས》སོགས་སུ་ཕོ་མོ་འདྲ་མཉམ་ཡིན་པ་བསྟན་ཡོད་ཅིང་། འདྲ་མཉམ་ཞེས་པ་གཙོ་བོ་ཕོ་མོ་གང་ཞིག་ཡིན་རུང་། དེར་འདྲ་མཉམ་གྱི་ཁེ་དབང་ཡོད་ཅིང་འདྲ་མཉམ་གྱི་འོས་འགན་ཡོད་པས། ཕོ་མཆོག་མོ་དམན་གྱི་ལྟ་སྤྱོད་གང་ཡང་ཡོད་མི་ཆོག་པ་གཏན་ཁེལ་བྱས་ཡོད།  །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1